@XoOoOoX2010 ما اقول الا الله يرزقك بالعمل والوظيفه اللي تسرك ويونسك اكثر دامك مبسوط وعلى قولتك عندك ترفيه فالله يهنيك يالغالي :) بس مفهوم السينما عندنا غلط في غلط لانك كلها واحد في البيت او في السينما لكن ميزة السينما انها تجتمع فيها مع اخوياك زيها زي الاستراحه وسواليف وسعة صدر فقط ليش نفكر بالتفحيط والجرايم خلينا نحسن الظن دايم :) الله يكتب اللي فيه خير وصالح
@AAB3958 نعم يا عزيزي انا شاب زيك وعاطل بعد.والي يبي الفساد وانا اخوك يلقاه وتشوف في البحرين اكثر الشباب سعوديين.بنسبه لسينما زي ما قلت انت ممكن تشوفه في البيت حلو طيب انت تعرف ان فيه شباب لك عليهم شوي هذولا اذا تجمعوا في سينما وطلعوا بره راح يكون فيه تفحيط وممكن بعض الجرايم بحكم انها تجمعات فتجمعات الي زي كذا تشجع الامور هذي الي يبي السينما يشوف الدي في دي او الفيديو في الاستراحه او مخيم او مكان كويس .صدقني الي يبي الترفيه يلقاه وفكرة انه ما فيه ترفيه اعتبرها كلام فاضي والله اعلم بنوايا.بتوفيق
@XoOoOoX2010 معليش ياعزيزي الافلام انا اشوفها في بيتي والمسرح انا اشوفه في بيتي لكن اذا كان فيه مكان يجمع الشباب راح يكون افضل من البيت طبعا كل العالم ماينقصه لامسرح ولا سينما وطبعا الجهه المسؤوله هي اللي تحدد استخدامات السينما والمسرح هل تستخدمها في الخير ولا في الشر والرقابه اذا كانت من جهه قويه ماراح تصيره مهزله اسمحلي مافهمت عليك !! وترا الترفيه مو طلعه من البيت ودوران بالشوارع لا الله يهديك لازم له اماكن خاصه وكل الشباب يشتكون من قلتها وانا اولهم ! بس فيه سؤال هل انت شاب زينا؟
@AAB3958 كلامك صحيح لكن اخالفك من نايحت السينما والمسرحيات . لانك تقول يصير عليها رقابه وانا معك لكن اليوم يصير عليها رقابه وبكره تصير مهزله وخير مثال شوف الكويت .الحين التفحيط والمخدرات والبلاوي ذي كلها جايه كلها من الافلام والبلاوي وما عرف الشباب اللعب بسياره الا يوم طاح في ادينهم اشرطة الفديو قديما .ولكن صدقني الترفيه موجود للي يبغاه بمجرد انك تطلع من بيتكم اعتبرها ترفيه وبعدين الشاب المفروض يبحث عن عمل ويكون حياته مو وقت ترفيهات واتمنى انه ما يكون فيه شيء اسمه تفحيط من الاساس لكن الشكوى لله
@XoOoOoX2010 المشكله يا اخوي احنا فاهمين الترفيه غلط بس ملاهي ومضيعة وقت !! لكن في الواقع هو عباره عن نشاط لتجديد النشاط والتنفيس بنفس الوقت! خليني اقولك اشياء ترفيهيه غير موجوده عندنا واحنا كشباب نحتاجها! مثلا المفروض يكون فيه مسرحيات ثقافيه توعويه كوميديه على مدار العام ومثلا المفروض يكون فيه دور للسينما وعليه رقابه طبعا عشان لحد يقولي حرام وكلام فاضي! والمفروض يكون فيه حلبات لرياضة السيارات بكل انواعها من دراق ريس الى دريفت الى فورملا ون ان شاء الله تراك عايش بأغنى دول العالم
@AAB3958 ان كان هذولا حقين مخدارت على قولتك وينقصهم الترفيه والحريه بعد ؟ يا عزيزي اي ترفيه واي كلام فاضي تبي نحطلهم ملاهي مثلا ؟
يا اخي الي يبي الترفيه راح يلقاه اترك عنك التضييق على كل شيء وكننا عايشين وسط شبك .والشباب ذولا فيه منهم ما شافوا المخدرات في حياتهم وبنسبه للملعب الملز هذي امور رسميه ما فيها لعب اطفال ولا هم يحزنون زي ما قلتلك فيهم من اليابان والصين وغيرهم صحيح ان فيه مفحطين خربانين وسرقات وكلام فاضي لكني اعني التفحيط بشكل عام يمديهم يضفونها في الاحتراف كالسباق والعروض وغيرها
@XoOoOoX2010 هههههههههه ملعب الملز !!! ياخي الشباب ينقصه الكثير من الترفيه والحريه واللي تشوفهم يفحطون هذولا اكثرهم مو طبيعيين اصلا حقين مخدرات وحبوب الله لايبلانا !! لكن الشباب العادي الطبيعي فيفتقد الا الترفيه بشكل عام وياليت تعطيني امثله على الترفيه دامها كثيره غير ملعب الملز والدبابات حقت الاطفال ؟ ياعمي انت تخاطب شباب مو مراهقين !! واللي حاب اقوله ان نسبة البطاله بين الشباب مرتفعه وهذا سبب رئيسي لانفجار الشباب زياده على انه ماعندهم ترفيه
@tokyo604
ماهو سبب مقنع كلنا اكلنا هوا في حياتنا لكن اتمرجلنا واشتغلنا وتعبنا الين صار الواحد رجال
اما انه يروح يهايط مع مبزره ويقتل انفس ويقول السبب ما فيه وظائف عذر اقبح من ذنب
هذا اللي يفحط من وين جاب فلوس البنزين فلوس السيارة فلوس اجار السيارة
لو كان جمعها كان ابركله لكنكل اللي يفحطوووو شوااااااااااااذ يدور المبزره الله يجازيهم بما يستحقو وحسبي الله عليهم
يا الله اهد هؤلاء الشباب
واهد حكامنا الي مخلين الفلوس والوظايفلهم هم وعيالهم (ومن يحبون من غير ابناء هذا الشعب)
على سبيل المثال 10 مليار ( لحسني مبارك )عشان ما يحكمونه
طيب 10 مليار نسوي فيها عشرات المشاريع ( اذا ما كان فيه سرقه كالعاده ) ونوظف بإذن الله آلاف الشباب ويصير لهم دخل وحياة كريمه بإذن الله بعيده عن التفحيط والمخدرات والبطاله
ثم يتزوج ويستقر في بداية شبابه ويرتاح ويترك الاشياء المتعبه والطيش والهبال
لكن لللاسف كلنا نعرف وين تروح كثير من الفلوس
بزر عمره 15 معه مليونيين في رصيده
المشكلة ان المفحط يقعد يسمع اغاني وعايش جوه ومسوي فنان وناس تمدح وتنفففخله والولد الفنان والحياه ماشيه معاه بمبي بمبي وحلوه كلها لدقائق فقط من السعادة الوهمية
وفجائه ينتهي كل شي...............تبنيطه قيم اوفر وفات دمار اصابات عذاب اليييييم سجن قهر ندم سنييين
في الاخير نصيحه لكل مفحط تقدر تدور على السعادة واثبات الذات في مكان اخر
فالتفحيط ابدا ليس مكان لاثبات الذات فلا تخدع نفسك او يخدعوك
في مصيبتك لن تجد احد حولك
نصيحة من اخوك
الرجاء اضغط لايييييك
@XoOoOoX2010
وربي انك صادق ...
التفحيط مصيبه ماقدرت الحكومه السعوديه السيطرة عليها بأي طريقه
لكنها في نفس الوقت موهبه ما يملكها الا السعوديـــين ... يعني هالنقطه مفروض تصير في صالحنا
ليتني مخرج افلام والله لأسوي فلم وثائقي كامل عن التفحيط واخلي الناس تشوفه
يمكن احد يقدر هالموهبه وينميها ويوجهها لطريق صح حتى لو خارج السعوديه
يا شباب معليش يعني . لكل دوله ولها طريقة ترفيه اذا جاء العيد روح ملعب الملز في الرياض اثناء الاحتفالات اعني داخل الملعب المهرجانات الي من داخل . وش تلقى تلقى جايبين من الصين ومن كازخستان ومن امريكا ومن اليابان ومن كل دوله سيرك والعاب خفه ودبابات واشياء كثير طيب وش ينقصنا حنا ما ينقصنا شي خوذو الي يفحطون وفكرو زين وراح تطلعون في طريقة ترفيه ما فكر فيها احد في العالم وراح تتميز السعوديه فيها وشي كلها نطل على ميتين وخل الناس تطير عيونها .
Français
